بازگشت
دسولې سپرلۍ
الحاج الهام الدين قيام الحاج الهام الدين قيام

 

 

په مونږ وارهم دسپرلي وي ،خزان راشي

د وږمو په ځای بيا،خړپړ طوفان راشي

 

لا غوټيو خولې خنداته،جينګې نه وي

چې پرې بيرته وار دچور او تالان راشي

 

لا  ګلشن ته راستون شوئ ،بلبل نه وي

چې ګلزارته په چور،تور تور کارغان راشي

 

لادګل په پاڼو ناست،بوراګان نه وي

چې زمونږ په چمن ،تور ګونګوټان راشي

 

که هر څوئې په خوښيو،بدرګه کړو

خو دهرکال په سپرلي کې،خفګان راشي

 

چې خوښي ورسره نه وي،سپرلۍ نه دی

بس خزان دی،په بل نوم او نشان راشي

 

زه قيام به سپرلۍ،هله سپرلۍ بولم

چې دسولې سپرلۍ بيا په افغان راشي

 

والدورف/جرمنی

16.03.2012

 


March 19th, 2012


  برداشت و بازنویسی درونمایه این تارنما در جاهای دیگر آزاد است. خواهشمندم، خاستگاه را یادآوری نمایید.
 
بازگشت
شعر،ادب و عرفان